Solid Baybay MarBev Cup Basketball League sinimulan na

  1.jpg 10.jpg 11.jpg 12.jpg 13.jpg 14.jpg 15.jpg 16.jpg 17.jpg 18.jpg 19.jpg 1a.jpg 2.jpg 20.jpg 21.jpg 22.jpg 23.jpg 24.jpg 25.jpg 26.jpg 27.jpg 28.jpg 29.jpg 3.jpg 30.jpg 31.jpg 32.jpg 33.jpg 4.jpg 5.jpg 6.jpg 7.jpg 8.jpg 9.jpg

Pinangunahan nina Mayor Beverley Dimacuha at Congressman Marvey Mariño ang ceremonial toss hudyat ng pag uumpisa ng Solid Baybay MarBev Cup Basketball League, October 12, sa brgy. Talahib Pandayan na siyang host barangay.

Ang dalawang opisyal na nagtataguyod ng ganitong sports event hindi lamang para sa physical fitness ng mga mamamayan kundi bilang isang paraan na mapalawak ang pagkakaisa at magandang samahan ng mga barangay ang siyang nagkaloob ng uniforms ng lahat ng players.

Kalahok dito ang mga koponan mula 19 na barangay ng Solid Baybay tulad ng Talahib Pandayan, Pinamucan Ibaba, Tabanago Aplaya, Dela Paz Proper, Talahib Payapa, San Andres, Mabacong, Simlong, Pagkilatan, Dela Paz Pulot Aplaya, Dela Paz Pulot Itaas, Pinamucan Proper, Tabangao Ambulong, Ilijan, San Agustin Kanluran, Liponpon, San Agapito, San Agustin Silangan, at San Antonio.

Ang anim na barangay ng Isla Verde ay bumuo lamang ng isang team na tinatawag na “One Isla Verde”.

Naging tampok sa opening program ang pagpili ng Muse of Solid Baybay MarBev Cup 2019 na nakuha ni Kiana Mari Castllo ng Talahib Pandayan, first runner-up si Paythe Danica Arellano ng Simlong at 2nd runner- up si Shanelle Maxine Pasno mula sa Tabangao Ambulong.

Idaraos ang mga laro tuwing Sabado at Linggo sa iba’t ibang barangay ng Solid Baybay.

Sa unang tatlong laro ay nanalo ang One Isla Verde laban sa Tabangao Aplaya, Pinamucan Ibaba laban sa Talahib Payapa at ang Talahib Pandayan laban sa Dela Pas Pulot Itaas.

Katuwang ng Solid Baybay ang Batangas City Sports Council na siyang nangangasiwa ng liga. (PIO Batangas City)