Elem. students sa brgy. San Jose Sico may bagong school building

Details

Friday, 16 August 2019 - 4:01:00 PM

Pinasinayaan ang Bagong Silang Elementary School sa barangay San Jose Sico, August 16, sa pangunguna nina Mayor Beverley Rose Dimacuha at Cong. Marvey Mariño kasama ang mga opisyal ng Department of Education, Batangas City at Pangulong Jose Rizal Tejada ng nasabing barangay.

Ang 2-storey school building ay may 10 silid aralan kung saan ang dalawang classrooms ay nasa basement na gagamitin ng mga estudyante ng Kinder at grade 3. Ang walong classrooms ay para sa mga mag-aaral ng grade four, five at six.

Nagpahayag ng malaking pasasalamat sina Dr. Rowena Asi, district supervisor at Iluminada Gayeta, principal ng paaralan sa anila ay malaking biyayang ito. Bukod anila sa hindi sila nagdalawang salita sa paghiling kay Mayor, ay naging mabilis rin ang konstruksyon ng gusali na nakumpleto sa loob ng walong buwan lamang.

“Ang gusali pong ito ay magbibigay ng kaalwanan sa mga estudyante na nagtiis mag-aaral sa temporary learning center habang ginagawa ang building. Magiging inspirasyon po nila ito para lalong magpursige sa kanilang pag-aaral at ito po ang magiging susi ng tagumpay ng Bagong Silang,“ sabi ni Gng. Gayeta.

Sa kanyang mensahe ay muling ipinaalaala,ni Mayor Dimacuha sa mga bata ang disiplina kagaya ng paggalang sa mga nakakatanda, respeto sa LGBTQIAt, pagsunod sa batas trapiko at iba pa. Hiniling rin niya sa mga guro na mging role model ng mga bata at maituro ang good manners at tamang values sa kanilang homeroom time.

• < Prev
• Next >