41st National Disability Prevention and Rehabilitation Week ipinagdiriwang

1.jpg 2.jpg 3.jpg 4.jpg

Ibat’t ibang gawain ang inihanda ng City Social Welfare and Development Office sa pagdiriwang ng 41st National Disability Prevention and Rehabilitation Week (NDPR) , July 17-July 23, na may temang “Lokal na Pamahalaan :Kabalikat sa Pagtupad ng Karapatan ng mga Taong may Kapansanan”.

Ito ay alinsunod sa Proclamation No. 361 na ideneklara ang NDPR Week tuwing ikatatlong linggo ng Hulyo upang maitaas ang kaalaman ng publiko sa problema ng disability, at maengganyo ang bawat mamamayan na magkaroon ng aktibong responsibilidad upang matugunan ang mga issues na ito.

Nagkaroon ngayong araw na ito, July 26, ng Banal na Misa sa Basilica of the Immaculate Conception. Kasunod nito ang floral offering ng mga SPED students at teachers at ilang mga kawani ng CSWDO sa monumento ni Apolinario Mabini na tinaguriang “Dakilang Lumpo” at pagkatapos ay nagsayaw ng Zumba sa Plaza Mabini bilang bahagi ng kanilang Health and Wellness activity. May mga nutrition activities, symposium at iba pang education campaign upang mapalawak ang awareness ng mga PWD sa kanilang mga benepisyo at karapatan alinsunod sa mga batas na ipinatutupad para sa kanilang kapakanan upang sila ay maging produktibong miyembro ng lipunan.

Mahigit 2.000 PWDs ang napaglingkuran ng CSWD noong 2018 mula bata hanggang matanda sa pamamagitan ng mga serbisyo nito kagaya ng Self and Social Enhancement, Special Education Program , EBD at Alay Lakad scholarships, Assistance for Physical Restoration kagaya ng wheel chair, cane, quad cane, crutches at walker. Mayroon ding libreng ID at sine, Early Detection, Prevention and Intervention of Disability, Training and Employment Support, Alternative Family Support, After Care and Follow Up services hinggil sa pagpapatupad ng 20% discount at exception sa Value Added Tax sa ilang mga bilihin at serbisyo. Minomonitor din ng City Enigneer’s Office kung may mga access ang mga PWDS sa mga establishments at public transport facilities bilang pagtupad sa Batas Pambansa 344. (PIO Batangas City)