Miss Batangas City Day 2019 umawit sa Harana sa kanya

Details

Monday, 08 July 2019 - 11:20:00 AM

Ipinakita ni Miss Batangas City Foundation Day 2019 Zharyne Amorado Santos ang kanyang talento sa pag-awit sa Harana sa kanya sa Pastor-Acosta Ancentral house, gabi ng July 7, kung saan kumanta siya ng mga kundiman at iba pang mga awiting Pilipino.

Ang Harana sa Miss Batangas City Day ay isang paraan ng pamahalaang lungsod sa pamamagitan ng mga cultural activities nito na mapanatling buhay ang tradisyon ng mga Filipino kagaya ng harana kung saan noon ay inaawitan ng isang lalaki ang babaeng kanyang nililigawan.

Inawit ni Zharyne ang “Maalala Mo Kaya at Ganito Kita Kamahal” at kumanta rin kasama ang magkapatid na singers ng pamilya Pastor na sina Atty. Tonying at Pitoy sa piano accompaniment ni Dr. Edward Babasa. Hinarana naman siya ng mga mangaawit na empleyado ng City Assessor’s Office.

Masayang nakinig sa gabi ng awitan ng mga kantang Pilipino sina Mayor Beverley Dimacuha, Cong. Marvey Mariño, mga miyembro ng Cultural Affairs Committee, at city department heads kasama ang pamilya ni Zharyne.

Nang matapos ang harana, binigyan nina Mayor Beverley at Cong. Marvey ng imahe ng Sto. Nino si Zharyne bilang isang alaala ng pasasalamat sa kanyang pagpapaunlak na maging Miss Batangas City Foundation Day 2019. (PIO Batangas City)

• < Prev
• Next >