Papuon para sa lungsod dinagsa ng mga deboto

Details

Friday, 05 July 2019 - 11:18:00 AM

BATANGAS CITY-Ang Papuon ay isang relihiyosong tradisyon na hindi nawawala sa ma Batangueño kayat ang pagsasagawa nito bilang isang isang community event ay muling dinagsa ng mga diboto noong July 5 bilang bahagi ng pagdiriwang ng Batangas City Day.

Tinipon ang imahe ng mga Patron mula sa pitong parokya ng lungsod papunta sa Basilica ng Inmaculada Concepcion kung saan idinaos ang Papuon. Ang mga ito ay ang mga Patron ng Sta Rita, Euphrasia, San Isidro Labrador, San Pablo Apostol, San Miguel Arkanghel, Maria Inmaculada Concepcion, Sto Nino at Santisima Trinidad.

Isang audio visual presentation ng kasaysayan ng Batangas City ang ipinapanood kung saan ipinakita rito ang papel ng mahal na patrong Sto Nino sa kasaysayan ng lungsod at ang Tradisyon ng Papuon.

Sumunod ang Tedeum na pinangunahan ni Rdo. Padre Aurelio ‘Odong” Dimaapi, Kura Paroko ng Basilica. Sumunod ang Rosario Cantada at ang pagdarasal ng Sto. Rosario kung saan sa pagitan ng bawat dekada ng misteryo ay kinakanta ng kantora ang mga relihiyosong awitin sa saliw ng tungtog ng banda ng musiko. Nagdasal din ng Oration Imperata, isang panalangin upang ipag-adya ang lungsod sa mga kalamidad at sakuna.

Kasunod nito ay ang ang Lua at Dalit sa mga santo. Ang Lua ay isang mala tulang panalangin ng papuri, pasaalamat at petisyon sa mga santo na ginampanan ng mga kabataan at ang Dalit naman ay awit ng panalangin sa mga santo.

Nagkroon din ng Pagtatalaga ng Sambayanan sa Maluwalhating Krus at ang pang huli ay ang sama-samang pag awit ng papuri sa Diyos ng lahat ng koro. (PIO Batangas City)

• < Prev
• Next >