Pope’s Day ipinagdiwang sa Batangas City

  1.jpg 10.jpg 11.jpg 12.jpg 13.jpg 14.jpg 15.jpg 16.jpg 17.jpg 18.jpg 19.jpg 2.jpg 20.jpg 21.jpg 22.jpg 23.jpg 24.jpg 25.jpg 26.jpg 27.jpg 28.jpg 29.jpg 3.jpg 30.jpg 31.jpg 32.jpg 33.jpg 34.jpg 35.jpg 36.jpg 37.jpg 38.jpg 39.jpg 4.jpg 40.jpg 41.jpg 42.jpg 43.jpg 44.jpg 45.jpg 46.jpg 47.jpg 48.jpg 5.jpg 6.jpg 7.jpg 8.jpg 9.jpg

BATANGAS CITY-Sa unang pagkakataon , ipinagdiwang ang Pope’s Day at Feast Day nila Santo Pedro at Pablo sa Batangas City, June 29, kung saan ito ay ginanap sa Basilica ng Inmaculada Concepcion sa pangunguna ni Lipa Archbishop Gilbert Garcera. Ang araw ding ito ang Episcopal anniversary ng Arsobispo.

Bago ito sinalubong si Arch. Garcera nila Congressman Marvey Mariño, Mayor Beverley Rose Dimacuha at ng Sangguniang Panglunsod sa harap ng City Hall kung saan naganap ang isang seremonya.

Lumahok din dito ang mga estudyante buhat sa pitong paaralan sa lungsod at isa sa Bauan.

Sa Office of the Mayor, nagkaroon ng exchange of gifts sina Mayor Dimacuha at ang Archbishop kung saan ipinagkaloob ng Mayor sa kanya ang Key to the City at isang imahe ng Sto. Niño, ang Mahal ng Patron ng lungsod . Ibinigay naman ni Arch. Garcera ang Papal Blessing kay Mayor Beverley.

Kasunod nito ay idinaos ang seremonya at Banal na Misa sa Basilica.
Ang isang basilica ay itinuturing na simbahan ng Sto. Papa kung saan nakalagak ang umbracullum ng papa at upuan na ginamit ni Pope Francis noong bumisita siya sa Pilipinas noong January 2015.

Sa kanyang homiliya, inilahad ni Arch. Garcera ang mga mensahe ni Pope Francis para sa Pilipinas ng siya ay bisitahin niya at ng mga kasamang obispo sa Roma noong June 7 ng taong ito.

Ang unang mensahe ng Papa ay ang pagpapasalamat niya sa mga Filipino sa pagtawag sa kanya ng Lolo Kiko ng bumisita siya sa bansa noong 2015.

Ang pangalawa ay ang papuri sa pagiging evangelizer ng mga Pinoy kahit sa labas ng bansa kagaya ng ikinuwento ng Papa na isang Pinay na katulong sa Italia kung saan ang nagsisilbing lullaby niya sa inaalagaang bata ay ang awit sa Tagalog na The Lord’s Prayer o Our Father na nakatawag ng pansin ng mga magulang ng bata.

Sa mga akusasyon sa kanya na siya ay heretic, sinabi ni :Pope Francis na ito ay hindi totoo sapagkat ang kanyang paniniwala ay nakasaad sa Congregation of the Doctrine of the Faith. Ipinagdarasal din niya ang mga tumatawag sa kanya ng heretic sapagkat aniya, hindi nila alam ang kanilang sinasabi. “ Iam at peace with God, I am at peace with myself,” sabi ng Papa.

Hiling din ng Papa na lagi siyang ipagdasal.

“Ipagpatuloy natin ang pagkilala sa kagandahang loob ng Diyos at ipagdasal natin ang Sto, Papa na siyang namumunong haligi ni San Pedro, ” pagwawakas ng Arsobispo sa kanyang homiliya.

Naging bahagi rin ng seremonya ang pagbibigay ng Arsobispo ng kanyang Zucchetto o skullcap sa Mahal na Birhen ng Immaculada Concepcion , na siyang ginamit niya ng makipagpulong siya kay Pope Francis at noong magmisa siya sa puntod nila San Pedro at Pablo. Kasama ng Arsobispo dito ang mga miyembro ng Cofradia dela Inmaculada Concepcion.

Pagkatapos ng Misa, isinagawa ang unveiling ng markers sa itaas ng main door ng simbahan na ginampanan nila Cong. Mariño, Mayor Dimacuha, Arch. Garcera, Msgr. Ruben Dimaculangan, Vicar General , Archdiocese of Lipa, Rev. Fr. Aurelio Oscar Dimaapi, parish priest ng simbahan, at Ms. Bel Bejasa na siyang kitawan ni Gov. Hermilando Mandanas.

Ang tatlong markers na ito ay mga Eskudo ng Sto. Papa na isa sa mga pribilehiyo na kalakip ng pagiging Basilica ng isang simbahan, Eskudo ng Arsidiyosesis ng Lipa at Eskudo ng Basiica Menor ng Inmaculada Concepcion. ( PIO Batangas City )