Mayor Dimacuha tumanggap ng award sa malaking suporta sa scouting movement

Details

Monday, 17 June 2019 - 4:33:00 AM

Ginawaran ng certificate of recognition ng Boys Scout of the Philippines si Mayor Beverley Rose Dimacuha dahilan sa malaking suporta at walang sawang serbisyo na ipinagkakaloob nito sa matagumpay na implementasyon ng scouting program sa lungsod gayundin sa pagpapalaganap at pagkamit ng mission at vision ng BSP.

Ang sertipiko ay nilagdaan ni Pangulong Rodrigo Duterte at ni BSP National President Wendel Avisado.
Ang awarding ay ginanap sa Capitol Convention Center ng Pili, Camarines Sur noong ika-29 ng Mayo sa okasyon ng National Court of Honor.

Ayon kay Batangas City Council Scout Executive Guilbert Alea na tumanggap ng parangal para kay Mayor Dimacuha, malaking karangalan ito sapagkat dalawa lamang sa Southern Tagalog ang binigyan na nabanggit na pagkilala.
Malaking puntos aniya ang suporta ng pamahalaang lungsod sa tagumpay ng scouting movement sa Batangas City.
Tumanggap din ng pagkilala sa tatlong magkakasunod na taon ang Boy Scouts of the Philippines – Batangas City Council for Best Performance in Council Administration for Class “D” Councils for the Lorillard Spencer Award. Ang Class D Council ay binubuo ng 20,000 pababa na mga miyembro.

Ang awarding ay ginanap noong May 31 sa 63rd Annual National Council meeting sa Camarines Sur Convention Center sa Pili Camarines Sur.
Bukod sa administration, naging batayan din sa paggagawad ng parangal ang scouting activities, events, seminars at trainings.

Sinabi ni Alea na hangad nilang mas madagdagan pa ang kanilang miyembro at hinikayat ang mga magulang na ilahok ang kanilang mga anak sa scouting upang magkaroon ng kasanayan sa pagiging lider ng bansa sa hinaharap. (PIO Batangas City)

• < Prev
• Next >