Simula ng midterm elections sa Batangas City maayos at tahimik

  1.jpg 10.jpg 2.jpg 3.jpg 4.jpg 5.jpg 6.jpg 7.jpg 8.jpg 9.jpg

Sa unang apat na oras ng botohan ay naging maayos at tahimik ang midterm elections sa Batangas City maliban sa mga dati ng reklamo na hindi makita ang pangalan sa voters’ list.

Mayroon namang mga itinalagang tumutulong sa mga botante sa paghahanap ng kanilang mga presinto partikular ang mga senior citizens, persons with disability at mga buntis.

May nakatalaga ding security assistance desk ng Batangas City PNP at ang desk ng City Health Office na nagbibigay ng first aid sa mga mangangailangan.

Ipinapaalaala naman sa mga botante na bawal ang gumamit ng cellphone at makipag usap sa mga watchers habang bumoboto. Ang mga botante ang naghuhulog ng kanilang balota sa vote counting machine at maglalagay ng resibo sa voter’s receipt receptacle matapos masiguro na ang kanilang mga ibinoto ang nakalagay sa resibo.

Samantala, bumoto sina Mayor Beverley Dimacuha at Congressman Marvey Marino sa Batangas National High School (BANAHIS) kasama sina ABC President Dondon Dimacuha, ang kabiyak nitong si Atty Alyssa Dimacuha at Secretary to the City Mayor Atty Reginald Dimacuha gayundin si dating mayor at OSCA President Vilma Dimacuha bandang 10:00 ng umaga.

Ayon sa mensahe ni Mayor Dimacuha, natutuwa siya na very peaceful at orderly tuwing eleksyon sa Batangas City. Hinikayat niya ang mga mamamayan na iexercise ang kanilang right to vote at nagpaabot ng pasasalamat sa muling pagkakahalal bilang Punonglungsod. “Bagamat pressured, mas pag-iigihan ko pa ang paglilingkod,” sabi niya.

Sina Mayor Dimacuha, Vice Mayor Dr Jun Berberabe at Congressman Marvey Marino ng 5th District ay walang naging kalaban sa kanilang posisyon ngayong eleksyon.

Bumoto din sa BANAHIS ang ilang myemrbo ng Tanduay Athletics Team na noong Season 1 pa lang ng Anta Rajah Cup ng MPBL ay nagpatala na bilang mga registered voters ng Barangay 18.