Eleksyon sa Batangas City ngayong umaga maayos at tahimik

Details

Friday, 10 May 2019 - 1:59:20 PM

Maayos at tahimik ang halos kalahating araw na botohan sa lungsod ng Batangas, ayon kay OIC City COMELEC Officer, Atty. Gretchen Dolatre. Aniya walang silang natanggap na ulat ng election -related complaints maliban sa ilang mga botanteng hindi makita ang pangalan sa mga voting centers/precincts na kaagad naman ay naaksyunan din ng Comelec Office.

Wala rin aniyang mga supporters at staff ang mga kandidato na naka antabay at namimigay ng mga tarheta sa mga voting centers, kung kaya’t mas maluwag at malinis ang mga polling places.

“Nagpapasalamat po ako sa ating mga kandidato sa kanilang pagsunod sa mga Comelec rulings kung saan nagtapos ang kampanya noong May 11, at sa kanilang pakikiisa para sa maayos at tahimik na halalan,” sabi ni Atty. Dolatre.

Sinabi rin niya na may mga special lane para sa mga persons with special needs kagaya ng senior citizens, may kapansanan at buntis. Ang mga ito ay maaring tulungan o asistehan ng miyembro ng electoral board o ng kanilang pamilya (4th consanguinity).

“Hinihiling ko po ang patuloy na pasensya ng mga botante, lalo na kung mahaba ang pila, mainit ang panahon, bukas po ang Comelec Office para po sa inyong mga pangangailangan”, sabi ni Atty. Dolatre

Ang Batangas City ay may 223,250 registered voters, 85 voting centers, at 276 voting precincts.

Ang canvassing ay gagawin sa Sangguniang Panlungsod kung saan maari itong mapanood ng publiko sa pamamagitan ng widescreen na ilalagay sa labas ng gusali. Inaasahang matatapos ang canvassing bukas ng umaga at maisasagawa ang proclamation ng mga mananalo.

• < Prev
• Next >