Job fair para sa mga senior high school grads idinaos

  1.jpg 10.jpg 11.jpg 12.jpg 13.jpg 14.jpg 15.jpg 16.jpg 2.jpg 3.jpg 4.jpg 5.jpg 6.jpg 7.jpg 8.jpg 9.jpg

Mga production operators at service crew sa mga fast food chain and ilan lamang sa mga trabahong pwedeng aplayan sa isinagawang job fair sa Batangas City Sports Coliseum, March 22, ng Public Employment and Service Office (PESO) at Dep Ed para sa mga nagtapos ng senior high school.

May 19 na local companies ang lumahok sa tinaguriang Handog ni Mayor Beverley: Trabaho para sa mga senior high school graduates kung saan sa 1,093 students na lumahok ay 207 and hired on the spot.

Binigyang diin ni PESO Manager Noel Silang na sa pamamagitan ng kanilang tanggapan ay nabibigyan ng oportunidad ang mga kabataan na magkaroon ng magandang kinabukasan. Nagbigay din siya ng career/employment coaching sa mga dumalo.

Ipinaabot ni City Schools Division Superintendent Donato Bueno ang kanyang pagbati sa mga magsisipagtapos na mag-aaral sa pamamagitan ng kanyang kinatawan na si SGOD Chief Dr Vicky Fababier. Ayon sa kanya, apat na direksyon ang maaaring puntahan ng isang SH graduate- kolehiyo, negosyo, trabaho at middle o vocational skills Lubos ang kanilang pasasalamat kay Mayor Dimacuha sa napakagandang proyektong ito na malaki ang maitutulong sa mga senior HS students na piniling maghanapbuhay na upang makatulong sa kanilang pamilya.

Ayon naman kay Herman Catapang, senior HS coordinator, may 13 senior high schools sa lungsod. Bago aniya makapagtapos ang isang bata dito, kinakailangan niyang matuto ng communication skills, innovation and creative skills, technology skills at lifelong skills ayon sa mandato ng Dep Ed.

Dumalo din si Community Affairs Officer IV at tumatayong Head ng Scholarship Program na si Manolo Perlada kung saan kasama niya ang kanyang mga staff na tatanggap ng mga aplikasyon sa mga senior high school students na nagnanais magpatuloy ng kanilang pag-aaral subalit walang kakayahang pinansyal.

Ayon sa mga mag-aaral ng Alangilan NHS na sina Kim Renz Casas ng barangay Tinga Itaas, (Accountancy, Business Management o ABM) strand, plano niya na magpatuloy ng pag-aaral at kumuha ng kursong BS Accountancy. Pagkatapos aniya ng graduation at habang naghihintay ng pagbubukas ng klase sa kolehiyo, magtatrabaho muna siya siya upang makaipon. Susubukan naman ni Clarisse Aguda, (General Academics) strand, na mag-aplay ng trabaho at kung skaling hindi matanggap ay mag-aaplay sa scholarship program ng pamahalaang lungsod. Balak niyang kumuha ng kursong Medical Technology.

Nais din ni Cheryll Mercado, (Science, Technology, Engineering and Mathematics) strand na magkaroon ng part time job habang bakasyon. “Sobrang ganda po ng job fair na ito ni Mayor dahil sa halip na pupunta po kami sa ibat-ibang lugar at kompanya upang maghanap ng trabaho, inilalapit po ng PESO ang mga ito sa amin kaya sobra po kaming nagpapasalamat.” (PIO Batangas City)