MAC naghatid ng sebisyo at kasiyahan sa mga bata sa anniversary celebration nito

  1.jpg 10.jpg 11.jpg 12.jpg 13.jpg 14.jpg 15.jpg 16.jpg 17.jpg 18.jpg 19.jpg 2.jpg 20.jpg 21.jpg 22.jpg 23.jpg 24.jpg 25.jpg 26.jpg 27.jpg 3.jpg 4.jpg 5.jpg 6.jpg 7.jpg 8.jpg 9.jpg

Magkasabay na isinagawa ng Mayor’s Action Center (MAC) ang selebrasyon ng ika-2 anibersaryo ng pagkakabuo ng kanilang tanggapan at ang distribusyon ng scholarship allowance sa ilang baybaying barangay ng lungsod.

Naghatid ng kasiyahan at mga regalo ang MAC sa mga mag-aaral at magulang ng Dela Paz Itaas Elementary School, Sitio Kuro, DelaPaz Proper kung saan pinangunahan nina Mayor Beverley Dimacuha at Congressman Marvey Mariño ang pamamahagi ng regalo at pagkain para sa mga bata at disaster kit naman para sa mga magulang.

Nagkaroon din dito ng programa na naging tampok ang puppet show ng mga kawani ng City Library. Nagpaunlak rin ng sayaw ang mga mag-aaral at guro ng paaralan. Sa mensahe ni Mayor Dimacuha ay ipinaalala niya sa mga magulang na sabihin at ipadama sa mga anak ang kanilang pagmamahal at hinikayat naman ang mga mag-aaral na ugaliing magbasa ng aklat upang mapalawak ang kaalaman at higit na matuto ng Ingles para maging competitive pagdating ng panahon.

Pagkatapos nito ay namahagi naman sina mayor at congressman kasama ang MAC staff ng scholarship allowance sa mga mag-aaral ng Talahib Pandayan at Pedro S. Tolentino National High School sa Ilijan.

Ayon kay Manolo Perlada, ScholarshipCommittee secretariat, sinikap ng MAC na maipamahagi ng mas maaga kaysa dati ang mga naturang allowance para magamit ng mga scholars sa mga pangangailan ngayong nagsimula na ang pasukan.

Ang MAC ay tanggpang binuo kasabay ng pag-upo ni Mayor Dimacuha noong 2016 upang umasiste sa mga nangangailangang mamamayan at mapabilis ang proseso sa pagkuha ng iba’t ibang programa ng pamahalaang lungsod sa pamamagitan ng direrktang koordinasyon sa mga departamento nito. (PIO Batangas City)