SCU-BASURERO inilunsad upang maglinis ng karagatan

  1.jpg 10.jpg 2.jpg 3.jpg 4.jpg 5.jpg 6.jpg 7.jpg 8.jpg 9.jpg

Iba’t ibang diving groups ang sumisid ngayong araw na ito sa dagat ng barangay Pagkilatan upang kolektahin ang mga basura rito bilang bahagi ng paglulunsad ng Batangas City Marine Protected Area (MPA) Network SCU-BASURERO sa pagdiriwang ng Earth Day.

Ang SCU-BASURERO ay isang awareness at protection scheme para sa mga MPAs ng lungsod sa ilalim ng Barangay Reef Assessment and Development (BRAD) program. Ito ay ipatutupad ng City ENRO sa pakikipagtuwang sa MPA network kagaya ng management boards ng Verde Island Sanctuary, Ilijan Fishery Refuge and Sanctuary at Pagkilatan Fish Reserve. Dumalo rito ang mga city at barangay officials, department heads at mga kinatawan ng mga national government agencies.

Ayon kay Secretary to the Mayor Victor Reginald Dimacuha na kumatawan kay Mayor Beverley Rose Dimacuha, ang bawat isa ay responsable at dapat gawin ang kanyang parte sa pangangalaga ng kapaligiran at kalikasan.

Sinabi naman ng hepe ng City Enro na si Oliver Gonzales na bilang ang Isla Verde ang itinuturing na “center of the center of marine bio-diversity” sa buong mundo, lalong nararapat na pangalagaan ang mga karagatan dito. Habang lumalago ang turismo ay kailangan ding protektahan ang kalikasan aniya. Para naman kay Konsehal Gerardo dela Roca, chairman ng Committee on Environment and Urban Development, Land Use and Zoning, ang Earth Day celebration ang tamang okasyon upang i commit ang ating sarili sa pangangalaga ng kapaligiran sa pamamagitan ng paglilinis at pagtatanim ng puno. Sa ilalim ng proyektong ito, magkakaroon ng monitoring at mangongolekta ng basura sa karagatan ang mga divers na tinatawag na Scu-basurero sa mga MPAs tuwing ikatlong buwan.

Ang City Enro ang mangunguna sa gawaing ito at magbibigay ng logistics kagaya ng weighing scale, waste sacks, logbook at iba pa habang ang mga MPA management boards naman ang magtatalaga ng kani kanilang Scu-Basureros. Ang mga bangka at diving gears ay ipo provide ng mga MPA management boards at ng Office of the City Veterinary ang Agricultural Services (OCVAS). Pwede ring patulungin ng OCVAS ang mga bantay dagat sa gawaing ito. ( PIO Batangas City)