Bagong Palengke, CLB tuloy tuloy na ang konstruksyon

  1.jpg 2.jpg 3.jpg 4.jpg

Magtutuloy tuloy na ang konstruksyon ng Don Juian Pastor Memorial Market o Bagong Palengke at ng Colegio ng Lungsod ng Batangas matapos mag release ang Landbank of the Philippines Batangas Lending Center ng P80 milyon mula sa P1 billion- loan ng pamahalaang lungsod para dito.

Sa kasalukuyan ay halos nasa 50% na ang konstruksyon ng Bagong Palengke at sa pagrelease ng bangko ng P39 million para dito, inaasahang matatapos ito sa Hunyo ng susunod na taon.

Nag release na rin ang Landbank ng P41 milyon para sa pagpapatuloy ng konstruksyon ng Colegio ng Lungsod ng Batangas na inaasahan namang matatapos bago ang pagbubukas ng klase dito sa Agosto ng susunod na taon. Ayon kay City Planning and Development Coordinator Januario Godoy, kailangang kumpleto muna ang mga kagamitan nito kagaya ng upuan, mesa, aircondition, computers at iba pa bago gamitin ng mga mag-aaral ang gusali. Halos nasa 40% na rin ang konstruksyon ng 3rd bridge na sinimulan noong Hulyo, nakatakdang matapos sa Marso 2018 at inaasahang madadaanan na sa Mayo.

Sinabi ni Engr. Godoy na ang pagre-release ng pondo ng Landbank ay depende sa percentage ng accomplishment ng konstruksyon.

Nilagdaan na rin kaninang umaga (December 7) nina Mayor Beverley Dimacuha at John Axle Melendres, Head, Loan Department, Landbank of the Philippines, Batangas Lending Center at mga kasama ang Loan Agreement para sa release ng P339.88 milyon.

Ang nasabing halaga ang gagamitin sa konstruksyon ng 2nd phase ng City Engineer’s Office at construction/ repair/ rehabilitation and improvement ng mga kalsada kabilang ang mga kalye simula sa 3rd bridge to national road (bay road); 3rd bridge to P. Hererra St.; BIR Road; DJPMM Access Road; Cuta Road; Balete Road, asphalt over lay ng mga kalye sa Poblacion barangays at sa Arce at Kumintang Ilaya. Ang mga proyektong ito ay nakatakdang gawin sa susunod na taon. (PIO Batangas City)