School building at stage pinasinayaan

  1.jpg 2.jpg 3.jpg

Pinangunahan nila Mayor Beverley Dimacuha at Congressman Marvey Marino ang ribbon cutting ng P5.2 million- Mayor Beverley Rose A. Dimacuha Type Stage sa Pedro S. Tolentino Memorial National High School (PSTMNHS) sa Ilijan, Batangas City ngayong December 7.

Ayon sa Punong Guro nito na si Lourdes Atienza, malaking tulong ang naturang pasilidad sa kanilang paaralan sapagkat marami silang programa at mga gawaing pampalakasan. May 986 junior at senior high school students ang makikinabang sa proyektong ito na sinimulan noong Enero 2017 at nagtapos nitong Nobyembre 2017.

Lubos ang pasasalamat ng administrasyon ng PSTMNHS sa kaganapan ng kanilang matagal nang minimithi.

“Sana ay maramdaman ninyo ang malasakit ng city government sa pamamagitan ng mga ganitong klaseng proyekto,” sabi ni Mayor Dimacuha, Hiniling naman ni Cong Marino na pangalagaan ng mga mag-aaral ang naturang stage.

Kaalinsabay nito ay ang pagpapasinaya din ng two-storey eight- classroom building na gagamitin ng may 187 senior students ng nasabing paaralan. Ang gusali ay proyekto ng Department of Public Works and Highways (DPWH).

Dumalo bilang kinatawan ni Dep Ed Superintendent Dr donato Bueno si Dep Ed Legal Officer Atty. Mikko Perez. Nakiisa din sa nabanggit na okasyon ang mga PTA officers at ilang opisyales ng barangay.(PIO Batangas City)