40th anniversary ng Julian Pastor Memorial Market ipinagdiwang

  JPMM1.jpg JPMM10.jpg JPMM11.jpg JPMM12.jpg JPMM13.jpg JPMM2.jpg JPMM3.jpg JPMM4.jpg JPMM5.jpg JPMM6.jpg JPMM7.jpg JPMM8.jpg JPMM9.jpg

BATANGAS CITY- Sa pagdiriwang ng 40th anniversary ng Julian Pastor Memorial Market o kilala sa tawag na Bagong Palengke sinabi ni Congressman Marvey Mariño na dumalo rito kasama si Mayor Beverley Dimacuha na ang mga proyektong ginagawa ngayon dito ay naglalayong mapaganda pa ang serbisyo at kalagayan ng nasabing palengke para sa kapakanan ng mga mamimili. Sinisimulan ng gawin muli ang bagong gusali at ang mga kalsada rito kasunod ng release ng ikalawang bahagi ng loan mula sa Land Bank.

“Ang palengke ang isa sa mga malimit puntahan ng mga bisita at turista upang bumili ng iba’t ibang produkto kung kayat dapat na maganda, malinis, maaliwalas at maunlad ito,” sabi ng congressman. Sinimulan ang okasyon ng Banal sa Misa kasunod ang isang programa na inihanda ng Federation of Julian Pastor Memorial Market Vendors Association. Binigyan din ng Certification of Appreciation ang mga namatay ng namuno sa pamilihan kagaya ng naging city market administrator na si Orlando Muños at Ramon Dimacuha na naging presidente ng Federation Julian Pastor Memorial Market Vendors Association. Isinagawa din ang oath- taking ng lahat na section leaders at officers ng samahan.

Nagbigay naman ang pamahalaang lungsod ng 80 kareta sa mga porters ng palengke upang maging mas maalwan ang kanilang trabaho.

Magkakaroon din ng motorcade kinabukasan na lalahukan ng staff ng palengke at ng vendors association na iikot sa poblacion. Dagdag kasiyahan din ang gagawing mga palaro at raffle para sa mga vendors. (PIO Batangas City)