Batangas City Inter-Department Basketball & Volleyball Tournament

Details

Friday, 17 March 2017 - 10:18:11 AM

BATANGAS CITY- Pormal na binuksan nila Cong. Marvey Mariño at Mayor Beverley Dimacuha ang Batangas City Government Inter-Department Basketball and Volleyball Tournament for Men and Women sa Batangas City Coliseum.

Ayon kay Dimacuha “sports never stop” kung kayat minarapat niyang gawin ang proyektyong ito para sa mga empleyado. Ito aniya ay magandang paraan upang ang mga empleyado ay magkaroon ng magandang camaraderie at bawas stress din sa trabaho.

Binanggit naman ni Cong. Mariño na “tuloy na tuloy na” na ang third bridge at iba pang malalaking proyekto kasama na ang pagpapatayo ng tinawag niyang “life transformation sanctuary” para sa mga drug surrenderers.

Sinimulan ang programa sa parada ng bawat departamento kasama ang kanilang mga hepe at muses. Pagkatapos ay nagkaroon ng ceremonial toss at oath of sportsmanship ang mga manlalaro. Pumili din ng best muse kung saan ang napili ay si Cheche Solis ng City Mayor’s Office.

Unang naglaban para sa Women’s Volleyball ang City Mayor’s Office at Office of the City Veterinary and Agricultural Services(OCVAS) kung saan nanalo ang Mayor’s Office sa score na 25-11. Ang second game ay ang Men’s Volleyball kung saan ang nanalo din ay ang CMO laban sa City Engineer’s Office sa score na 15-12.

Nakiisa din sa event na ito sina Councilors Allysa at Serge Atienza, Armando Lazarte, Oliver Macatangay, Boy Dimacuha, Nelson Chavez, City Administrator Narciso Macarandang at mga department heads ng pamahalaang lungsod. (PIO Batangas City)

• < Prev
• Next >