Kampanya ng pulis laban sa droga pinalawak sa Oplan Taphang

  Oath1.jpg

BATANGAS CITY -Pagkatapos ng oplan tokhang, nasa double barrel alpha program na ang Batangas City Police sa kampanya nito laban sa droga kung saan mas malawak ang operasyon nito sa pamamagitan ng pagbisita sa mga barangay, malls, kulungan, paaralan at iba pang lugar kung saan maraming tao.

Bahagi rin ng stage na ito ang oplan taphang na isang salitang Bisaya na tapo at hangyo na nangangahulugan ng “ipunin para magkaroon ng dayalogo”.

Nanumpa ng oath of commitment para sa double barrel alpha program ng kapulisan ang mga department heads ng pamahalaang lungsod. Ayon kay PCI Jose Naparato, Deputy Chief of Police ng Batangas City PNP, “kailangan ng kapulisan ng tulong ng lahat ng sektor ng lipunan upang linisin ang lungsod sa mga gumagamit ng ipinagbabawal na gamot. Ang droga ay threat sa peace and order kung kaya’t hinihiling naming ang panunumpa ng pagsuporta ng mga mamamayan na sumasailalim sa dayalogo upang mapa-igting ang kampanya laban sa droga na isa sa aming prayoridad.”

Sa kasalukuyan, 97% ng 1,337 na nasa kanilang watch list ang kanilang nabisita na.

“Kailangan ang whole nation approach sa pagtutulungan at kung gagampanan ng bawat isa ang kanilang papel upang makamit ang hangarin na drug-free Philippines,” dagdag pa ni Naparato. (PIO Batangas City)