PESO Update


Patuloy ang tanggapan ng Public Employment Service Office o PESO ng lungsod ng Batangas sa pagbibigay ng mga trabaho sa ating mga kababayan dito sa Batangas City. Ito'y isa pa rin sa mga proyektong pangkabuhayan ni Mayor Vilma Abaya Dimacuha.

Ayon kay Mr. Noel Silang, PESO officer, noong nakaraang ika-16 ng Hunyo, ay apatnapu't lima sa limampung aplikante ang na qualified sa trabaho sa bansang Cyprus. Isa lamang ito sa mga bansang malimit na pinupuntahan para magtrabaho.

Sinabi rin niyang ang Batangas City ang isa sa mga manpower resources ng ibang bansa. Dahil dito ay sinasanay ang mga Batangueno sa ilalim ng Technical Education Skills Development Authority on TESDA. Maraming scholars si Mayor Vilma Abaya Dimacuha na nagsasanay sa TESDA tulad ng scaffolding, Welding, Cake Decorating at Electricity.

Nananawagan si Silang sa mga Batangueno na mag apply ng trabaho sa kanilang tanggapan sapagkat aniya, maraming trabaho ang naghihintay para sa kanila.

Maaaring magsadya sa kanilang tanggapan sa PESO Office, City Council for Youth Affairs Bldg. sa P. Dandan St., Batangas City o tumawag sa telepono blang (043) 723 8802. (Alvin M. Remo, PIO Batangas City)